Хадамоти алоқаи Тоҷикистон сабабҳои қатъи интернет дар Вилояти Мухтори Кӯҳистони Бадахшонро ба гузаронидани чорабиниҳои техникӣ ва таъмини амнияти иттилоотӣ рабт дод.
Илҳом Атоев, муовини аввали раиси Хадамоти алоқаи назди Ҳукумати Ҷумҳурии Тоҷикистон, ки рӯзи душанбе дар ҳузури хабарнигорон суҳбат мекард, дар мавриди қатъи интернет дар ВМКБ аз посухҳои возеҳу равшан фирор мекард ва ин нуктаро таъкид кард, ки дар натиҷаи гузаронидани чорабиниҳои техникӣ ба хотири аъмини амнияти иттилоотӣ интернет дар ин вилоят қатъ гардидааст.
Аммо ӯ дар идомаи суҳбаташ гуфт, ки интернет ва алоқаи мобилӣ дар ВМКБ дар низоми 3G фъол аст ва ҳеч мушкилие вуҷуд надорад. Ин дар ҳолест, ки сокинони ВМКБ аз он шикоят доранд, ки пас аз гирдиҳамоиҳои 25-28-уми ноябр дар ин вилоят интернет ва алоқаи мобилӣ пурра қатъ гардид. Пас аз чанде алоқаи мобилӣ барқарор шуд, аммо то ҳол хидматрасониҳои интернет васл нашудааст.