Қувваҳои низомии бештаре аз Душанбе ба Хоруғ фиристода шудаст

Ба гузориши Pamir Daily News аз Душанбе ба сӯи Вилояти Мухтори Кӯҳистони Бадахшон корвони нерӯҳои ҳарбии бештаре фиристода шудаст.

Ин расона аз манобеи худ хабар медиҳад, ки як корвони бузурги низомӣ аз Душанбе ба самти Хоруғ ҳаракат кардааст ва эҳтимол мақомот барои пароканда кардани тазоҳуроти эътирозӣ бо истифода аз зӯр ва ё нақшаи гузаронидани амалиёти вежа барои маҳв ё боздошти Мамадбоқировро дар назар дошта бошанд.

Дар ҳамин ҳол, манобеи ноҳияи Рӯшони ВМКБ хабар медиҳанд, ки ҷавонони маҳаллӣ дар Рӯшон роҳ ба сӯи Хоруғро баста, барои ҷилавгирӣ аз вуруди низомиён ба маркази ВМКБ омодагӣ мебинанд.

Аз субҳи рӯзи 16-уми май авзоъ дар маркази маъмурии ВМКБ шаҳри Хоруғ ноором гуфта мешавад. Дар даргириҳои дирӯза мақомот барои пароканда кардани мардуми норозӣ аз беадолатиҳои мақомоти ин вилоят аз силоҳ истифода бурд, ки дар натиҷа як нафар кушта ва аз ду тараф то 9 нафар захмӣ шудааст.