Эрон: Як ҳамлагари таркиши Кирмон шаҳрванди Тоҷикистон аст

Рӯзи 5-уми январи соли ҷорӣ Вазорати иттилоот (Амният)-и Эрон ҳувияти яке аз ду интиҳориро эълон кард, ки яке аз онҳо шаҳрванди Тоҷикистон будааст.

Дар баёнияи ин вазорат омадааст, ки “аз ду террорсти кушташудаи интиҳорӣ, як нафар миллияти тоҷикистонӣ дошта ва ҳуивяти терористи дувум ҳанӯз ба сурати қатъӣ мушахас нагаштааст“.

Ин вазорат мегӯяд, фардои рӯзи таркиш – рӯзи панҷшанбе, иқоматгоҳи террористони интиҳорие, ки худро дар байни мардум тарконданд, дар атрофи шаҳри Кирмон пайдо шуда ва низ ду нафар аз пуштибонон ва таъминкунандагони онҳо ҳамонҷо шиносоӣ ва дастгир шуданд.

Вазорати иттилооти Эрон мегӯяд, дар иртибот ба ҳодисаи таркиши ду рӯзи пеш боз 9 нафари дигарро аз 6 вилояти ин кишвар ҳамчун гумонбарон дар қазияи мазкур боздошт кардааст. Ин вазорат дар хабари худ чанд аксе низ нашр кардааст.

Аммо мақомоти Тоҷикистон то ҳанӯз дар бораи ин хабар ба таври расмӣ иттилое нашр накардаанд. Мақомоти Эрон низ ҷузъиёте аз ҳувияти ин шаҳрвнади Тоҷикистонро нашр накарданд ва маълум нест ӯ сокини кадом шаҳру ноҳияи кишвар аст.

Ёдовар мешавем, асри 3-юуми янавари соли 2024 дар минтақаи Гулзори Кирмон, мақарри қабри Қосим Сулаймонӣ, собиқ раҳбари нерӯҳои Қудси Сипоҳи посдорони Инқилоби исломии Эрон ду таркиши пай дар пай сурат гирифт.

Тибқи охирин оморҳо, дар пайи ин таркишҳо 89 нафар кушта ва беш аз 280 нафари дигар захмӣ шудааст. Маросими баргузории ҷанозаи қурбониёни таркишҳои Кирмон имрӯз баргузор шуд.