Баргузори маҷлиси васеи Ҳукумат

Бино ба иттилои расмӣ, субҳи 24-уми январи соли 2024 маҷлиси Ҳукумати Тоҷикистон бо раҳбарии Эмомалӣ Раҳмон дар шаҳри Душанбе баргузор шуд.

Гуфта мешавад, дар ин ҷаласаи васеъ аъзои Ҳукумати кишвар ва тамоми сохторҳо, аз ҷумла Дастгоҳи иҷроияи Президент ва воҳидҳои сохтории он, роҳбарони мақомоти марказии давлатӣ, корхонаю муассисаҳои ҷумҳуриявӣ, раисони вилоятҳо ва шаҳру ноҳияҳо, роҳбарони муассисаҳои таҳсилоти олӣ, марказҳои татбиқи лоиҳаҳои давлатии сармоягузорӣ, бонкҳои давлатӣ ва саҳҳомӣ, рӯзномаю маҷаллаҳои расмӣ ва дигар шахсони масъул иштирок доранд.

Пеш аз ин дар солҳои гузашта маҷлисҳои васеи ҳукумати Эмомалӣ Раҳмон, ки ҳамасола дар моҳҳои январ баргузор мешуданд, аз тариқи расонаҳои давлатӣ ва бахусус радио ва телевизионҳо пахши мустақим мешуданд, аммо дар чанд соли ахир ин анъана аз байн рафтааст.

Инчунин дар расонаҳои мустақил, ки аз ин гуна маҷлисҳои Ҳукумати Тоҷикистон маҷлис ва ё маъракаи “дилзанак” ҳам ёд карда, матолиби зиёде перомуни тағйиру иловаҳо дар сатҳи раҳбарони корхонаву ниҳодҳои давлатӣ ном бурда мешуд, матолиби зиёде нашр мегардид.

Маъмулан дар ин гуна маҷлисҳои васеи Ҳукумати Тоҷикистон, ки ҳамасола моҳҳои январ баргузор карда мешаванд, натиҷаҳои рушди иқтисодию иҷтимоии кишварро тайи солҳои гузашта мавриди баррасӣ қарор дода, хеле раҳбарони ба қавли мақомот “ноуҳдабароро” аз мансаб пеш мекарданд, аммо акнун, ки рафти ин маҷлис мустақим аз тариқи расонаҳо нишон дода намешавад, ҷузъиёти он аз мардум пинҳон боқӣ мемонад.