Нимҳимоятгари дастаи мунтахаби Тоҷикистон Комрон Турсунов голи панҷуми худро дар “Hero I-League” – дивизиони якуми Ҳиндустон зад.
Дар бозии даври даҳуми дивизиони якуми Ҳиндустон клуби “ТРАУ” -и Комрон Турсунов дар меҳмонӣ бар “Индиан Эрроус” ғалабаи калон ба даст овард, яъне 5:1. Футболбози тоҷик дар ин вохӯрӣ як гол зада, ду партофти головар дод.
Дар натиҷа, Турсунов бори дуввум дар ин мавсим беҳтарин бозингар дониста шуд. Ба ӯ чек барои 25 000 рупияи ҳиндӣ (345 доллари ИМА) тақдим карданд.