Ба иттилои Хадамоти матбуоти Президенти Тоҷикистон, имрӯз 17-уми октябр Эмомалӣ Раҳмон дар ноҳияи Фирдавсии шаҳри Душанбе клуби “Крокус фитнес”-ро ифтитоҳ бахшид. Акс аз Хадамоти матбуоти Президент Гуфта мешавад, “Крокус фитнес” дар масоҳати 7500 метри мураббаъ сохта шуда, дар як вақт метавонад то 2500 нафар дар он ба варзишҳои гуногун машғул бошанд. Дар хабар гуфта мешавад, […]
Ба иттилои Хадамоти матбуоти Президенти Тоҷикистон, имрӯз 17-уми октябр Эмомалӣ Раҳмон дар ноҳияи Фирдавсии шаҳри Душанбе клуби “Крокус фитнес”-ро ифтитоҳ бахшид.
Гуфта мешавад, “Крокус фитнес” дар масоҳати 7500 метри мураббаъ сохта шуда, дар як вақт метавонад то 2500 нафар дар он ба варзишҳои гуногун машғул бошанд.
Дар хабар гуфта мешавад, ки ““Крокус фитнес” дорои се ҳавзи замонавии шиноварӣ буда, ҳавзи калони он имконият дорад, ки варзишгарони касбиро низ ба машғулият фаро гирад.”
“Дар дохили Клуби инноватсионӣ ва фитнеси “Крокус фитнес” толори барҳавову замонавии варзишӣ барои машғулшавӣ ба тамринҳои омехта бунёд гардида, дар ин ҷо варзишгарон ва дӯстдорони тарзи ҳаёти солим метавонанд ба намудҳои варзиши бокс, муҳорибаи омехта, гӯштин, гимнастика машғул шаванд. Ин қисмати иншоот бо тамоми дастгоҳ ва шароити зарурӣ муҷаҳҳаз буда, барои кӯдакон дар дохили он клуби алоҳида фаъолият менамояд.”, омадааст дар хабар.
Аммо ин фитнес-клуб аз ҷониби кӣ сохта шудааст ва соҳиби аслии он кӣ аст, чизе гуфта намешавад. Вале ба назари бархе коршиносон, соҳибони аслии “Крокус фитнес” русҳо буда, онҳо бо миёнаравии Рустами Эмомалӣ тавонистаанд ин тиҷорати бузургро дар Душанбе бикушоянд.
Таҳқиқоти Azda tv нишон дод, ки соҳиби аслии “Крокус групп” Араз Искендер оглы Агаларов, яке аз тоҷирони миллардери руси озаритабор ва яке аз нафарони наздик ба Путин буда, 25 сол боз дар Русия ба тиҷоратҳои бузург машғул аст ва чунин фитнес-клубҳоро месозад.
Мухолифони Эмомалӣ Раҳмон мегӯянд, Президент дар ҳоле ду рӯз қабл ба Путин аз он шикоят дошт, ки чаро ӯро кӯчак мешуморад ва ба ӯ эҳтиром намегузоранд, вале имрӯз ҳамчун президенти як кишвар рафта фитнес-клуберо мекушояд, ки ҳатто дар ифтитоҳи он на соҳиби аслии “Крокус групп” ва на муовинашу на дигар масъулони расмиаш ширкат доранд, вале Эмомалӣ Раҳмон рафта онро ифтитоҳ мекунад.
Ба гуфтаи мунтақидони Раҳмон, ӯ дӯст медорад ҳатто дар кушодани як мағозаи кӯчак ва ҳатто ҳамомҳо ширкат кунад, дар ҳоле, ки ифтитоҳи мағозаву фитнесу дигар иншооти кӯчак кори як тоҷир ва ё сардори як ниҳоди варзишии масъулони поёнии як ноҳия ё идора аст.