Роҳи Хоруғ-Қулма субҳи имрӯз, 20-уми май баъди гуфтушунидҳои дуру дарози тарафҳо кушода шуд. Аммо роҳи маҳаллаи Бархоруғ баста боқӣ мемонад. Дар ин бора Pamir Daily News хабар дод.
Ба навиштаи манбаъ, мақомот ва нерӯҳои амниятӣ уҳдадор шудаанд, ки сокинони ноҳияи Рӯшонро, ки ба таври оммавӣ боздошт шуда буданд, раҳо кунанд. Инчунин нерӯҳои амниятӣ ваъда додаанд, ки снайперҳоро аз баландиҳо дар Хоруғ берун бурда, техникаи низомиро аз канораҳои шаҳр ба ҷойҳои истиқрори доимии худ мебаранд.
